ჩემი სტრატეგია

სანამ სტატიის ძირითად თემაზე გადავიდოდე მინდა გითხრათ, რომ პირადად მე ამ სტრატეგიას ვიყენებ მხოლოდ GBP/USD წყვილზე სავაჭროდ და ამისთვის საკმაოდ მკვეთრი მიზეზი გამაჩნია. თუ მიზეზს ვერ ხვდებით, გეტყვით, სხვა წყვილებზე არც ვვაჭრობ და არც არანაირ ყურადღებას არ ვაქცევ, მოკლედ საერთოდ არ ვაკვირდები არცერთ სხვა წყვილს, მაგრამ არამგონია ამ სტრატეგიამ რომელიმე წყვილზე არ გაამართლოს, მოკლედ დატესტვა თქვენთვის მომინდია.

მაშ ასე, როგორ იწყება ყოველი ორშაბათი და საერთოდ ყოველი სამუშაო დღე ჩემთვის. პირველ რიგში რა თქმა უნდა ვიღვიძებ თბილისის დროით დილის 10:00 საათზე, ამ დროისთვის ლონდონის სავაჭრო სესიის გახსნამდე ზუსტად ორი საათი რჩება, ანუ ლონდონის სესია თბილისის დროით დილის 12:00 საათზე იხსნება, ნუ ჰიგიენურ პროცედურებს და ჭამა-სმის ამბავს ამ სტატიაში არ დავწერ გამოდის ისე, რომ 11:00 საათზე უკვე კომპიუტერთან ვზივარ და გახსნილი მაქვს MT4 პლატფორმა. აი აქედან იწყება ჩემი შრომითი დღე.

მაშ ასე ყურადღბით, საინტერესო იქნება. მთელი ინფორმაცია რაც ყოველ დილით მესაჭიროება რათა დავგეგმო ჩემი სავაჭრო დღე მხვდება 15 წუთიან ჩარტზე. მინდა ოდნავ თემას მოვშორდე, რათა გამიადვილდეს იმის გადმოცემა რაც თავში მიტრიალებ. დარწმუნებული ვარ იცით მაგრამ მაინც გავიმეორებ, რომ ForEx-ზე 24 საათიანი სავაჭრო ციკლი შედგება 4 სავაჭრო სესიისაგან, ესენია სიდნეის სესია, ტოკიოს სესია, ლონდონის სესია და ნიუ იორკის სესია, ესეიგი 24 საათიანი ციკლი იწყება სიდნეის სესიით და მთავრდება ნიუ იორკის სესიით და ასე მეორდება ყოველ დღე შაბათ კვირის გარდა. მე პირადად ვვაჭრობ ლონდონის და ნიუიორკის სესიებზე და გამონაკლისებს არასდროს არ ვაკეთებ, ხოლო სიდნეის და ტოკოის სესიების განმავლობაში როგორც წესი ან ”ვგულაობ” ან მძინავს . ქვემოთ მოცემულ სურათზე ნახავთ დაახლოვებით რა სიტუაციიდან ვიწყებ ვაჭრობას და სად ვსვამ ორდერებს.

სურათზე ხედავთ, რომ მიმდინარე დღის support-ი აღნიშნული მაქვს წითელი ხაზით, ხოლო resistance ლურჯით. განვათავსებ ყიდვის ორდერს ლურჯი ხაზის ზემოთ 6 pip-ით, და გაყიდვის ორდერს წითელი ხაზის ქვემოთ ასევე 6 pip-ით, stop loss როგორც წესი რამდენიმე moving average-ს მიხედვით ვსაზღვრავ, დასაწყისისთვის შეგიძლიათ გამოიყენოთ ფიქსირებული 30 pip-იანი stop loss-ი. ზემოთ მოცემულ სურათზე აშკარად ხედავთ რომ ამ სტრატეგიისათვის საკმაოდ წარმატებული დღე გამოდგა, 1,5104 დონეზე გაყიდვის შემდეგ წყვილი დაეცა 1,4809-მდე, ანუ ამ დღეს შესაძლებელი იყო 295 პიპის დაჭერა, რაც ერთი დღისთვის დამეთანხმებით ძალიან კარგი შედეგია. არა?

მინდა შემოგთავაზოთ ვიდეო, სადაც უკეთ მიხვდებით თუ რაზეა საუბარი:

ეს გახლავთ სტრატეგიის ის ნაწილი რომლის მიხედვითაც ვხედავ პოზიციის გახსნის სიგნალებს, შემდეგ სტატიაში დავწერ თუ როგორ ვსაზღვრავ სამიზნეებს.

და ბოლოს მინდა დავამატო, რომ მარტო სტრატეგია ამ საქმიანობაში ვერაფერს გახდება თუ მას არ მივახმარეთ დისციპლინა და გონივრული რისკის მენეჯმენტი.

გთხოვთ კითხვები და შენიშვნები დააფიქსიროთ კომენტარებში.

გმადლობთ ყურადღებისათვის