შიში და სიხარბე ბაზარზე

შიში და სიხარბე არის ორი ძირითადი განცდა, რომელიც მართავს კაცობრიობის აბსოლუტურ უმრავლესობას. მე პირადად ამაში ვერც ცუდს ვხედავ და ვერც კარგს, უბრალოდ ასეა მოწყობილი ადამიანის ფსიქიკა. ყოველი ჩვენი ქმედება გარკვეულ წილად ეფუძნება სწორედ ამ ორ განცდას, ვაღიარებთ ამას თუ არა მნიშვნელობა არ აქვს, ეს ყველაფერი ქვეცნობიერების დონეზე ხდება, თუმცა ხშირ შემთხვევაში ადამიანს ესმის თუ რა გრძნობა იწვევს მის ქმედებას, მაგრამ როგორც წესი არ უნდა აღიაორს, რადგან შიშიც და სიხარბეც მიჩნეულია უარყოფით განცდებად და სოციუმში სამარცხვინო ემოციებია.

ნებისმიერი ჩვენი ქმედება მეტნაკლებად დამოკიდებულია სწორედ მათზე ან ამ განცდების სახეშეცვლილ ვარიანტებზე. ყველაზე კარგად ეს ემოციები ჩანს ბაზარზე. ნებისმიერ ბაზარზე ფასის ცვლილების მამოძრავებელი ძალა სწორედ ეს ემოციებია. ფასი ეცემა იმიტომ, რომ ბაზარზე სუფევს პანიკური შიში ან იზრდება იმიტომ, რომ ბაზარზე ბატონობს სიხარბე. უკეთესად გასაგებად ავიღოთ ნებისმიერი ბაზრის მაგალითი, თუნდაც უძრავი ქონების.

რა გარემოება ზრდის ან აგდებს ფასს ზოგადად უძრავი ქონების ბაზარზე. ფასის დინამიკა ყოველ ბაზარზე დამოკიდებულია მოთხოვნა შეთავაზების ბალანსზე ან დისბალანსზე. თუ მოთხოვნა არის დიდი ხოლო შეთავაზება დაბალი მაშინ ფასი იზრდება და ფასი ეცემა მაშინ როცა შეთავაზება არის დიდი და მოთხოვნა ნაკლები. ფასი განიცდის კონსოლიდაციას თუ მოთხოვნა და შეთავაზება ერთმანეთს უტოლდება. მოთხოვნის და შეთავაზების არსებობა წარმოუდგენელია ბაზრის მონაწილის არსებობის გარეშე, ანუ მოთხოვნა შეთავაზება ადამიანის გარეშე ვერ იარსებებს ისევე როგორც ვერ იარსებებს ბაზარი. ადამიანი თავისთავად ვერ იარსებებს ემოციის გარეშე და მათ შორის ყველაზე ძლიერი ემოციები, როგორც ზემოთ აღვნიშნეთ არის შიში და სიხარბე.

თუ რომელიმე გარემოება პროგნოზირებს უძრავი ქონების ფასის ზრდას (არ არის აუცილებელი ეს გარემოება იყოს მეცნიერულად დასაბუთებული, შეიძლება იყოს რეკლამა, PR ან ნებისმიერი სხვა საშუალება რაც ბაზრისათვის აღმოჩნდება დამაჯერებელი), ბაზარზე იზრდება მოთხოვნა, რასაც მოჰყვება შეთავაზების კვალდაკვალ ზრდაც და ფასი იწყებს ზრდას მანამ, სანამ მოთხოვნა და შეთავაზება ერთმანეთს გაუტოლდება. მთელ ამ პერიოდში ბაზარზე ბატონობს სიხარბე და ფასი იძენს ზრდის ტენდენციას. ვინც მოითხოვს (ყიდულობს) უძრავ ქონებას, მოითხოვს მომავალში უკეთესად შეთავაზების (გაყიდვის) მიზნით, ვინც სთავაზობს (ყიდის) უძრავ ქონებას, სთავაზობს გაზრდილ ფასსზე სარგებლის ნახვის მიზნით.

ცოტა ხნის წინ საქართველოში სწორედ ამ პროცესის მომსწრე ვიყავით. მოთხოვნა უძრავ ქონებაზე განიცდიდა პროგრესს სხვა და სხვა მიზეზების გამო, როცა გამოილია შეთავაზება, მომრავლდა სამშენებლო კომპანიები და ფასი განაგრძობდა ზრდას სანამ დადგა ომის და კრიზისის სუნი.

თუ რომელიმე გარემოება პროგნოზირებს უძრავი ქონების ფასის დაცემას (კრიზისი, ომი ან ნებისმიერი სხვა არასასიამოვნო გარემოება), ბაზარზე მოთხოვნა სასწრაფოდ ეცემა და იწყება ნაყიდი უძრავი ქონების გაყიდვა იმის შიშით რომ ინვესტიცია დაიკარგება, რასაც მოჰყვება ჯაჭვური რეაქცია, პანიკური შიში და ყველა იწყებს გაყიდვას მოთხოვნის დეფიციტის პირობებში რაც ავტომატურად იწვევს ფასის დაცემას. შედეგად რჩება სამშენებლო კომპანიები ვისაც აქვს შეთავაზება, მაგრამ ბაზარზე არ არის მოთხოვნა. ამ პერიოდში ბაზარზე ბატონობს შიში და ფასი იძენს ვარდნის ტენდენციას.

იმდენად რამდენადაც შიში უფრო ძლიერი გრძნობაა ვიდრე სიხარბე, ნებისმიერი ფასი უფრო სწრაფად ეცემა ვიდრე იზრდება.

ზუსტად იგივე პრინციპით მოქმედებს Forex-ი, ოღონდ აქ ყველაფერი უფრო დახვეწილია, ბაზრის რწმენა და მოლოდინი უფრო სწრაფად და ზუსტად აისახება ფასზე. ძირითადი მაჩვენებლები რასაც ამ ბაზრის აბსოლუტური უმრავლესობა უყურებს და საიდანაც ბაზარი იღებს მოლოდინს არის ეკონომიკური მაჩვენებლები, ნიუსები, საიდანაც ბაზარი ცდილობს წარმოდგენა შეიქმნას გლობალურ ეკონომიკაში არსებულ ამინდზე.

რამდენი აკლია $5 000-ს $1 000 000-მდე?

ვინმემ რომ დაგისვათ კითხვა $5 000 რამდენი აკლია $1 000 000-მდე? უმეტესობა, ვინც არითმეტიკაში ერკვევა გასცემს პასუხს $995 000. არითმეტიკის თვალსაზრისით პასუხი სწორია, მაგრამ არითმეტიკა არის მეცნიერბა რომელიც ციფრებთანაა დაკავშირებული, როცა საქმე ფულს ეხება იქ მარტო ციფრებით შორს ვერ წახვალ, თუმცა რაღაც ეტაპზე ფულიც ციფრებად იქცევა. მოკლედ იმის თქმა მინდა, რომ $5 000 $1 000 000-მდე ტრეიდინგის თვალსაზრისით აკლია საღი გონება, სწორი მიმართულებით ქმედება და 10 წელი.

ამ პოსტით და ქვემოთ მოყვანილი ვიდეოთი მინდა დავამსხვრიო ოცნებებში მბორგავი ხალხის ილუზიები, ვისაც ჰგონია რომ $500 ერთ მშვენიერ დღეს მილიონს გააკეთებს მინდა ვუთხრა, რომ ვერ დათვლის იმდენ $500-ს წააგებს. ასეთი ილუზიებით შეპყრობილს მილიონიც რომ მისცე მაინც ვერაფერს გახდება ტრეიდინგში, იმასაც 1 დღეში წააგებს. საკმარისია საღი გონებით შეხედო ყველაფერს და სურათი ნათელი ხდება. იმ განზომილებაში რომელშიც ჩვენ ვცხოვრობთ ადვილად არ იშოვნება ფული, ფული არის ყველაზე ფართო მოხრარების პროდუქტი, რომელზეც ყველა ნადირობს. თუ ვიღაცას რაღაცით არ აჯობე შანსი 0-ის ტოლია, თუმცა ზოგს უმართლებ და ლატარიებში იგებენ მილიონებს, მაგრამ რომელი მილიარდერი გინახიათ ვინც თავისი ქონება ლატარიაში მოიგო? ქარის მოტანილი ისევ ქარს მიაქვს.

თუ მართლა გადაწყვეტილი გაქვს ტრეიდინგში წარმატებას მიაღწიო, იფიქრე ისე როგორც ფიქრობენ ბიზნესმენები. ტრეიდინგი ბიზნესია და ისეთივე დაგეგმვა და შემდეგ განხორციელება ჭირდება როგორც ნებისმიერ სხვა სფეროს. იმუშავე სტაბილურობის მიღწევაზე და ნუ იმოქმედებ ისე როგორც მოთამაშე კაზინოში. დაგეგმე და მშვიდად მიყევი გეგმას! მიყევი გეგმას! მიყევი გეგმას! ტრეიდინგი არის თავისუფლება იმუშაო იქიდან საიდანაც მოგესურვება, სხვა თვალსაზრისთ არაფრით არ განსხვავდება სხვა საქმეებისაგან.

ქვემოთ ვიდეოში შეევეცადე ამეხსნა თუ როგორ შევქმნათ მარტივი ცხრილი, რომელიც დაგვანახებს მომავალს და დაგვეხამრება მოტივაციის თვალსაზრისით და არ მოგვცემს საშუალებას ვაკეთოთ სისულელეები. დიდი მადლობა ყურადღებისათვის.

რატომ არის ტრეიდინგი საუკეთესო ბიზნესი

არის თუ არა ტრეიდინგი საუკეთესო ბიზნესი არსებულ ბიზნესებს შორის რა თქმა უნდა სადავო თემაა, მაგრამ ჩემთვის ტრეიდინგი იყო, არის და იქნება ყველაზე მიმზიდველი და საინტერესო ბიზნესი სხვა დანარჩენებს შორის. თუმცა მინდა მაინც გავაანალიზო თუ რატომ მხიბლავს ეს საქმიანობა და ამ ანალიზით იქნებ სხვებსაც დავეხმარო გადაწყვეტილების მიღებაში, თუ რატომ ღირს ან არ ღირს ამ საქმით დაკავება.

მაშ ასე დავიწყებ დადებით მხარეებიდან.

1. ტრეიდინგი არის ერთ ერთ, თუ არა ერთადერთი, საქმე 21 საუკუნეში, რომელიც ჩვეულებრივ მოკვდავს, ჯერ კიდევ, აძლევს უსაზღვრო წარმატების პერსპექტივას, რათქმა უნდა წლობით სწავლის და უსაზღვრო გარჯის გაწევის შემდეგ. თუმცა ძალისხმევის საჭიროება გამოცდილების მატებასთან ერთად სულ კლებულობს და კლებულობს.
2. ტრეიდინგი არის საქმე, სადაც არ გყავს უფროსი, შეგიძლია იმუშავო იმდენი რამდენიც მოგესურვება და როცა მოგესურვება, გქონდეს შვებულება მაშინ როცა გინდა.
3. ტრეიდინგი არის საქმე, რომელიც იძლევა საშუალებას იმუშავო მსოფლიოს ნებისმიერი წერტილიდან სადაც არის ინტერნეტი.
4. ტრეიდინგი არის საქმე სადაც კრედიტს გაძლევენ ყოველგვარი ზედმეტი საბანკო პროცედურების გარეშე (იგულისხმება მარჟა)
5. ტრეიდინგი არის საქმე, სადაც თუ იცი რას აკეთებ რისკი პრაქტიკულად ნულის ტოლია.

რაც შეეხება უარყოფით მხარეებს.

1. სასწავლად არის ძალიან ძნელი და შრომატევადი და ადამიანთა გარკვეული ჯგუფისათვის შეუძლებელიც შეიძლება იყოს, მაგალითად ზედმეტად ემოციური, ექსცენტრიული ტიპაჟისთვის, აგრეთვე ადრეულ ასაკში ტრეიდინგზე ხელის მოკიდება არ არის მიზანშეწონილი, თუმცა ყველა ადამიანი ინდივიდუალურია.
2. სახიფათო საქმეა დამწყებთათვის, რადგან ერთი შეხედვით ადვილი საქმის შთაბეჭდილებას ტოვებს და შეჰყავს ადამიანი შეცდომაში.

რაც ამ საქმეში ყველაზე უფრო მხიბლავს ისაა, რომ ნაკლები ძალისხმევით ბევრის გაკეთება შეიძლება. როცა პოზიციას კარგად დაგეგმავ და გახსნი, ბაზარი თვითონ აკეთებს ყველაფერს შენი ზედამხედველობის გარეშე. მე პირადად ყოველთვის ვცდილობ ტრეიდინგით გამოწვეული სტრესი დავიყვანო მინიმუმამდე და ჩავერიო რაც შეიძლება ნაკლებად და გამოდის ისე რომ რაც ნაკლებს იმუშავებ შედეგი უკეთესია, პარადოქსულია, მაგრამ ამ საქმეში სწორედ ასეა.

აი რატომ არის ძნელი სასწავლი ტრეიდინგი, ადამიანებს ბავშვობიდან აჩვევენ აზრს, რომ თუ ბევრი არ იმუშავე, ვერ მიაღწევ წარმატებას, არ გექნება სამსახური და ასე შემდეგ. ტრეიდინგში ყველაფერი თავდაყირა დგას. თუ ბევრი იმუშავე წარმატებას ვერ მიაღწევ, ბევრი შრომა და მუშაობა სწავლის პროცესშია საჭირო, როცა საქმე უკვე ეხება რეალურ ვაჭრობას, იქ უკვე ქმედებები მინიმუმამდე უნდა იყოს დაყვანილი და ქმედებების ეფექტურობა უნდა იყოს მაქსიმალური. მენტალურად ამ მდგომარეობამდე მისვლა მოითხოვს უამრავი სტერეოტიპის დამსხვრევას, რომელიც ადრეული ასაკიდან დაილექა ჩვენს ქვეცნობიერებაში და ჩვენდაუნებურად განსაზღვრავენ ჩვენს ქმედებებს. სწორედ ამიტომ ჭირდება ტრეიდინგს წლობით სწავლა და ქვეცნობიერების და ცნობიერების გარკვეულ დონემდე მიყვანა. ამის გარეშე შეუძლებელია წარმატების მიღწევა.

მიუხედავად სწავლის პროცესში არსებული სირთულეებისა მე მაინც ვთვლი, რომ ამ საქმის სწავლა ღირს, ასე რომ ვინც გადაწყვიტა დაეუფლოს ტრეიდინგს, მინდა გავამხნევო და ურჩიო, მიაწვენ პირველ ჩვენებას და არ დაიხიონ უკან რადგან მოვა დრო როცა თქვენზე თავისუფალი და დამოუკიდებელი ადამიანი 1-2 თუ იქნება თქვენი ნაცნობების სიაში.

წარმატებებს გისურვებთ ყველას.

წამგებიანი პოზიცია არ არსებობს

უცნაური განაცხადია, ალბათ უმეტესობა იფიქრებს ამან გარეკაო. როგორ არ არსებობს როცა კაცმა არ იცის რამდენჯერ წამიგია, თანაც სოლიდურად წამიგიაო.

საქმე იმაშია, რომ ტრეიდინგი ფულის თამაში არ არის, ყოველ შემთხვევაში არ უნდა ასოცირდებოდეს ფულთან. ჩემი მიდგომა ასეთია და დარწუნებული ვარ არამარტო ჩემი.

ტრეიდინგი ჩემთვის ასოცირდება ძებნასთან, ყოველი პოზიციიდან ველი ახალი ინფორმაციის შეძენას და არა ფინნანსურ ზრდას, რასაც მენტალურად საერთოდ სხვა სფეროში გადავყავარ და ჩემი ტვინი აღარ თვლის საჭიროდ დაცვითი რეაქციების სახით წაგების ან მოგების შემთხვევაში აღმიძრას სინანულის ან სიხარულის გრძნობა, შიშის ან სიხარბის გრძნობა. ასეთი მიდგომით ნებისმიერი პოზიცია, წამგებიანი იქნება იგი თუ მომგებიანი, არის ახალი ინფორმაციის მომტანი, მოაქვს ინფორმაცია და უკან არასოდეს არ მიაქვს და ეს ინფორმაცია ნებისმიერ დროს მომავალში შეიძლება სარფიანად გამოვიყენო.

ზემოთ აღწერილი მიდგომა საერთოდ მანთავისუფლებს ემოციებისგან და მაძლევს საშუალებას ვიყო მაქსიმალურად ადეკვატური, განვვითარდე ყოველი პოზიციის შესრულების შემდეგ და არ არის სტრესული.

ყველაფერი ძალიან მარტივია თუ სწორი კუთხით მიუდგებით

არასტაბილურობის გამომწვევი თვისებები.

ამ სტატიაში მინდა განვიხილო რამდენიმე თვისება, რომლების მოშორებაც აუცილებელია სტაბილურობის მისაღწევად. თუ ამ თვისებებს აღმოაჩენ საკუთარ თავში, მოემზადე შრომისთვის, რომ ისინი მოიშორო, თორემ ყოველი შენი მცდელობა იქნება ფუჭი, სტაბილურობას ვერ მიაღწევ.

1. პოზიციის გახსნა გეგმის გარეშე. რამდენჯერ გაგიხსნია პოზიცია სპონტანური გადაწყვეტილების საფუძველზე, ისე რომ ყიდვის ან გაყიდვის ფასი პოზიციის გახსნის შემდეგ გინახავს და სტოპლოსი და მიზანი პოზიციის გახსნის შემდეგ დაგისვამს (კარგია თუ სტოპლოსს საერთოდ ხმარობ). ასეთი ქმედება არის უდისციპლინობის ნიშანი და გახსნილი პოზიცია თამამად შეიძლება მივაწეროთ ემოციებს ვიდრე დაგეგმილ ქმედებას. დარწმუნებული ვარ პოზიციის გახსნის საფუძველი იყო ის რომ ბაზარმა 3-4 პიპი იმოძრავა რომელიმე მიმართულებით. ასეთმა პოზიციამ ჯობია წაგაგებინოს, რადგან შემთხვევითი მოგება ძალიან სახიფათოა და ჩვევაში გადაზრდა იცის. სახიფათო ჩვევების მოშორების გარეშე ამ საქმეში არაფერი გამოგივა.

2. პოზიცია დაგეგმე, მაგრამ მისი გახსნის შემდეგ შეცვალე გადაწყვეტილებები. გახსნილი პოზიციის წვალება არის დანაშაულია, რომელიც იმსახურებს სიკვდილით დასჯას. ეს რათქმა უნდა ხუმრობით, ისე რაც შეეხება დასჯას, თუ ასე გააგრძელე აუცილებლად დაისჯები, როგორ? მაგალითად ბაზარი წავა შენი მიმართულებით მაგრამ შენს გარეშე, რაც წაგებაზე უფრო მტკივნეული იქნება, იმიტომ, რომ მართალი იყავი, მაგრამ საკუთარ ხედვას და ცოდნას არ ენდე და მდგომარეობიდან სადაც მართალი იყავი გამოხვედი მტყუანი. თუ პოზიციას დაგეგმავ და ზუსტად განსაზღვრავ რამდენს იგებ წარმატების და რამდენს აგებ წარუმატებლობის შემთხვევაში და გეგმას ზედმიწევნით შეასრულებ, არა აქვს მნიშვნელობა ეს პოზიცია მოიგებს თუ წააგებს, იგი მაინც წარმატებულია, იმიტომ, რომ გეგმა ზედმიწევნით არის შესრულებული. ეს ჩვევა დღემდე ვერ მოვიშორე ბოლომდე, მეც ვაწვალებ ხოლმე პოზიციას, ახალი გენიალური იდეებით, რომლებიც ყოველ ახალ ტიკზე მებადება

3. მუდმივად გაქვს განცდა, თითქოს ბაზარი კონკრეტულად შენ საწინააღმდეგოდ მოქმედებს. დეპრესიულ ადამიანების ჩვევაა სულ იწუწუნონ და დაადანაშაულონ ყველა და ყველაფერი მათ წინააღმდეგ შეთქმულებაში, რაც რათქმა უნდა დიდი სისულელეა. ბაზარზე ასეთი განცდის შეძენა ძალიან ადვილია და რატომ: სტატისტიკა იმედია იცი, რომ 95% ხალხისა გამუდმებით აგებეს ბაზარზე, და იგებს მხოლოდ 5% (ალბათ ესეც გაზვიადებულია). 95% ხალხისა ვაჭრობს უსისტემოდ და გადაწყვეტილებებს იღებეს ემოციების საფუძველზე სიხარბე და შიში არის ძირითადი განცდები რაც ბაზარზე ლიდერობს, ხარბი და შეშინებული ადამიანის ქმედებების წინასწარმეტყველება ადვილი საქმეა, სწორედ ასე იგებს 5%. და დანარჩენ 95% ეუფლება გრძნობა, რომ ბაზარი მათ წინააღმდეგ მოძრაობს. მოიშორე ეს განცდა, გადაყარე ემოციები და ივაჭრე წესებით და საღი გონებით ან საერთოდ შეეშვი ამ საქმეს.

4. წაგება გწყინს, მოგება გახარებს. ესეც ემოციების ბრალია, ბაზარზე არავის არ აინტერესებს შენ ნაწყენი ხარ თუ გახარებული. გაბრაზებული ადამიანის ბუნებრივი რეაქცია არის შურისძიება. შურისძიება ვისზე? ბაზარაზე? კარგი მაგალითი მომივიდა თავში, წარმოიდგინე ჩაძირული გემის კაპიტანმა ყველაფერი დააბრალოს ოკეანეს და განიმსჭვალოს შურისძიების სურვილით… რაც შეეხება მოგებული პოზიციით გახარებულ ადამიანს. გახარებული ადამიანი არის კეთილი და არაფერი არ ენანება, შეიძლება სულიც გაჩუქოს , ასეთი ქმედება ისეთ სასტიკ გარემოში როგორიც ბაზარია მსუბუქად რომ ვთქვათ სისულელეა. გამოუცდელი ტრეიდერისთვის მოგება უფრო სახიფათოა ვიდრე წაგება. ასე, რომ სიხარული და სიბრაზეც გამოსარიცხია. არ არსებობს წარმატებული ტრეიდერი ვინც ვაჭრობს იმიტომ, რომ გაუხარდეს ან მაზოხისტია და უყვარს როცა ნაწყენია.

5. გამუდმებით ეძებ და ყიდულობ პროგრამებს, ექსპერტებს ან სიგნალებს. დროის კარგვაა, და რატომ. წარმოიდგინე, ხარ წარმატებული ტრეიდერი, საინტერესო დეპოზიტით, და გაქვს უნარები შენი დეპოზიტი, სტაბილურად ყოველ თვე გაზარდო. როგორ გგონია შეიწუხებ თავს ახალ ახალი საიტების კეთებით სადაც გაყიდი სიგნალებს, პროგრამებს ან ექსპერტებს, რომლებიც წელიწადში 200000000000% იგებენ? ასეთი საიტების მფლობელებს თვითონ არ გაეგებათ არაფერი ტრეიდინგზე და ფულს შოულობენ ექსპერტებით და სიგნალებით. ძალიან საწყენი განცხადების გაკეთება მომიწევს. არ არსებობს დედამიწის ზურგზე პროგრამა, რომელსაც დააყენებ და შენს მაგივრად გააკეთებს ფულს, ყოველ შემთხვევაში ამ ინდუსტრიაში არ არსებობს. ერთად ერთი გამოსავალი არის სწავლა, ძებნა, სწავლა, ძებნა… ძებნა ოღონდ ბაზარზე და არა ინტერნეტში ექსპერტების.

6. ფორუმებზე ზედმეტი ძრომიალი და სხვისი აზრების შემოტანა საკუთარ საქმიანობაში. ტრეიდინგი არის ერთი კაცის საქმე, სადაც გადაწყვეტილება უნდა მიიღოს ერთმა კაცმა და არა კოლექტივმა. ენდე მარტო საკუთარ თავს, რისკის ქვეშ შენი ფულია და გადაწყვეტილებებიც შენი მისაღებია. ერთადერთი რითაც ამ საქმეში შეიძლება სხვისი დახმარება არის წიგნების რეკომენდირება.

7. სტოპლოსის გარეშე ვაჭრობა. ძალიან სახიფათო ჩვევაა, რომელიც ადრე თუ გვიან აუცილებლად დასრულდება კრახით. თუ ჯერ არ დაგიყვანია ანგარიში ნულამდე, ამ ჩვევით გარანტიას ვიძლევი აუცილებლად დაიყვან. ყოველ პოზიცია აქვს ორი მხარე, წარმატებული და წარუმატებელი, თუ პოზიციის გახსნამდე ორივე მხარე არ არის ზუსტად განსაზღვრული მაშინ ჩათვალე რომ ვაჭრობ ბრმად და შედეგები ადრე თუ გვიან იქნება გულის ამაჩუყებელი.

სულ ეს არის რაც ამ მომენტში მახსენდება, ჩვევები რომლებიც სტაბილურობას უქმნიან უდიდეს ბარიერს, თუ ეს ჩვევები არ იქნა დაძლეული, სტაბილურობის მიღწევა შეუძლებელია. რაც დრო გადის მით უფრო ვხვდები, რომ ტრეიდინგი ფულის თამაში არ არის, ტრეიდინგი არის ბრძოლა საკუთარ თავთან, საკუთარ ქვეცნობიერებასთან, საკუთარი მავნე ჩვევების დაძლევა და მათი კონვერტირება სასარგებლო ჩვევებში, რომლებსაც დროთაგანმავლობაში და ნაბიჯ ნაბიჯ მივყავართ სტაბილურობამდე. სტაბილურობა კი ყოველი წარმატებული ტრეიდერის მიზანია. მადლობთ ყურადღებისათვის

USD/CAD 01.09.2009

ჩარტი №1

ჩარტი №2

კონსოლიდაციის ზედა საზღვრის, 1.1100 მრგვალი რიცხვის, ტენდენციის ხაზის და ფიბოს 38.2% ხაზის კონფლუენსის ზონაზე არეკლილმა ფასმა, დღის ბოლოს მოგვცა ნეგატიური პინბარი, რაც აღქმული იქნა დაღმავალი მოძრაობის შესაძლო დაწყების სიბნალად.

გაყიდვის ორდერი დაისვა 1.0892 ზონაში, სტოპლოსი დაისვა 1.0985 ზონაში, მანძილი სტოპლოსსა და გაყიდვის ორდერს შორის შეადგენდა 53 პიპს, რაც 2% რისკის პირობებში იძლეოდა 3.14 ლოტიანი პოზიციის გახსნის საშუალებას.

პირველ მიზნად მიჩნეული იქნა 1.0790 ზონა.

მიზანი ვერ იქნა მიღწეული, სუსტი გარღვევის გამო პოზიციის 50% დაიხურა 1.0895 ზონაში და სტოპლოსი ჩამოიწია 1.0912 ზონამდე, სადაც დაიხურა კიდევაც პოზიციის დარჩენილი ნაწილი. საერთო ჯამში პოზიციამ წააგო 0.4%.

ოპტიმალური ვარიანტი იქნებოდა პერსპექტივის იგნორირება.

USD/JPY 25.08.2009

ჩარტი №1

ჩარტი №2

95.00 მრგვალ რიცხვზე არეკლილმა ფასმა, დღის ბოლოს მოგვცა ნეგატიური პინბარი რაც აღქმული იქნა დაღმავალი მოძრაობის შესაძლო დაწყების სიგნალად.

გაყიდვის ორდერი დაისვა 94.24 ზონაში, სტოპლოსი დაისვა 9.64 ზონაში, მანძილი სტოპლოსსა და გაყიდვის ორდერს შორის შეადგენდა 40 პიპს, რაც 2% რისკის პირობებში იძლეოდა 3.58 ლოტიანი პოზიციის გახსნის საშუალებას.

პირველ მიზნად მიჩნეული იქნა 93.50 ზონა.

მიზანი ვერ იქნა მიღწეული, პოზიცია დაიხურა სტოპლოსით, რომალიც იმ მომენტისათვის უკვე გაყიდვის დონემდე იყო ჩამოწეული, წაგებამ შეადგინა 0.00%.

ოპტიმალური ვარიანტი იქნებოდა სტოპლოსის ოდნავ მოგვიანებით ჩამოწევა ბრეიქივენამდე, რადგანაც ფასი მოგვიანებით უპრობლემოდ დაეცა პირველ მიზნამდე.

USD/CAD 19.08.2009

ჩარტი №1

ჩარტი №2

დაღმავალი ტენდენციის რეთრეისმენტზე, 1.1100 მრგვალი რიცხვის, ტენდენციის ხაზის და ფიბოს 38.2% ხაზის კონფლუენსის ზონაზე არეკლილმა ფასმა, დღის ბოლოს მოგვცა 2 სანთლისაგან შემდგარი ფორმირება, რომელსაც 2 დღიან ჩარტზე ექნებოდა ნეგატიური პინბარის ფორმა, რაც აღქმული იქნა რეთრეისმენტის შესაძლო დასრულების და დაღმავალი ტენდენციის გაგრძელების სიგნალად.

გაყიდვის ორდერი დაისვა 1.0990 ზონაში, სტოპლოსი დაისვა 1.1030 ზონაში, მანძილი სტოპლოსსა და გაყიდვის ორდრს შორის შეადგენდა 40 პიპს, რაც 2% რისკის პირობებში იძლეოდა 6.60 ლოტიანი პოზიციის გახსნის საშუალებას.

პირველ მიზნად მიჩნეული იქნა 1.0900 ზონა.

პოზიციის 50% დაიხურა მიზნის მიღწევამდე, 1.0954 ზონაში, მოგებამ შეადგინა 1% და სტოპლოსი ჩამოიწია გაყიდვის დონემდე, რაც უზრუნველყოფდა პოზიციის მოგებაში ჩაკეტვა.

პოზიციის მეორე ნახევარი დაიხურა სტოპლოსით, მოგებამ შეადგინა 0%. საერთო ჯამში პოზიციამ მოიგო 1%.

ოპტიმალური ვარიანტი იქნებოდა სტოპლოსის მოგვიანებით ჩამოწევა, რადგანაც, პოზიციის სრულად დახურვის შემდებ ფასმა უპრობლემოდ მიაღწია პირველ მიზანს და იმოძრავა 1.0717 ზონამდე.

USD/CAD 13.08.2009

ჩარტი №1

ჩარტი №2

დაღმავალი ტენდენციის რეთრეისმენტზე, ტენდენციის ხაზის, 1.1000 მრგვალი რიცხვის და ფიბოს 38,2% ხაზის კონფლუენსის ზონაზე არეკლილმა ფასმა, დღის ბოლოს მოგვცა გარე დაღმავალი სანთელი, რაც აღქმული იქნა რეთრეისმენტის შესაძლო დასრულების და დაღმავალი ტენდენციის გაგრძელებისი სიგნალად.

გაყიდვის ორდერი დაისვა 1.0864 ზონაში, სტოპლოსი დაისვა 1.0917 ზონაში, მანძილი სტოპლოსსა და გაყიდვის ორდერი შორის შეადგენდა 53 პიპს, რაც 2% რისკის პირობებში იძლეოდა 3.30 ლოტიანი პოზიცის გახსნის საშუალებას.

პირველ მიზნად მიჩნეული იქნა 1.0800 ზონა.

პოზიციის 50% დაიხურა მიზნის მიღწეუისთანავე, მოგებამ შეადგინა 1% და სტოპლოსი ჩამოიწია გაყიდვის დონემდე.

პოზიციის მეორე ნახევარი დაიხურა სტოპლოსით, წაგებამ შეადგინა 0.00%, საერთო ჯამში პოზიციამ მოიგო 1%.

ოპტიმალური ვარიანტი იქნებოდა პოზიციის სრულად დახურვა პირველ მიზანთან.

AUD/USD 17.08.2009

ჩარტი №1

ჩარტი №2

აღმავალი ტენდენციის მსვლელობისას, 0.8263 პივოტ პოინტ ზონაზე არეკლილმა ფასმა, დღის ბოლოს მოგვცა გარე დაღმავალი სანთელი, რაც აღქმული იქნა აღმავალი ტენდენციის შესაძლო დასრულების და რეთრეისმენტის დაწყების სიგნალად.

გაყიდვის ორდერი დაისვა 0.8263 ზონაში, სტოპლოსი დაისვა 0.8305 ზონაში, მანძილი სტოპლოსსა და გაყიდვის ორდერს შორის შეადგენდა 42 პიპს, რაც 2% რისკს პირობებში იძლეოდა 3.54 ლოტიანი პოზიციის გახსნის საშუალებას.

პირველ მიზნად მიჩნეული იქნა 0.8200 ზონა.

პოზიციის 50% დაიხურა პირველი მიზნის სიახლოვეს 0.8213 ზონაში, მოგებამ შეადგნა 1% და სტოპლოსი ჩამოიწია გაყიდვის დონემდე, რაც უზრუნველყოფდა პოზიციის მოგებაში ჩაკეტვა.

პოზიციის მეორე ნახევარი დაიხურა სტოპლოსით, მოგებამ შეადგინა 0%., საერთო ჯამში პოზიციამ მოიგო 1%.

ოპტიმალური ვარიანტი იქნებოდა პოზიციის სრულად შენარჩუნება და დახურვა 0.8153 ზონაში.